Naziunal/Internaziunal - Alex Wilson suspendì per la staffetta da 4x100 meters
La Federaziun svizra d'atletica leva ha suspendì il sprinter Alex Wilson per la staffetta da 4X100 meters. Gia dal campiunadi mundial a Nassau avevi dà in eclat tranter Wilson ed il trenader Laurent Meuwly, suenter che Wilson aveva refusà da parter sco terz.
Che Wilson n'è betg cumparì al trenament da mesemna passada ha fatg ch’il butschin è ì surora. Il purtader dal record svizzer sur 100 meters vegn dentant mo suspendì per la stagiun actuala. 2016 po el turnar.
Gia l'entschatta da l'emna aveva Amaru Schenkel declerà ch'el na curria betg pli per la staffetta svizra.
