Naziunal/Internaziunal - Anna Fenninger gudogna puspè il classament general
Al final da la cuppa mundiala a Méribel gudogna Anna Fenninger il slalom gigant. Sper la culla da cristal pitschna en questa disciplina gudogna l'Austriaca cun quai era il classament general, quai per la segunda giada en seria.
Fenninger ha gudagnà il slalom gigant avant sia cumpatriota Eva-Maria Brem e sia pli gronda rivala Tina Maze da la Slovenia ch'è 22 puncts davos Fenninger en il classament general da la cuppa mundiala.
Gisin cun buna prestaziun
Ina buna prestaziun en il slalom gigant ha mussà la Svizra Dominique Gisin. En sia ultima cursa da la cuppa mundiala da sia carriera è ella daventada 11avla. Lara Gut è sa classada sin plazza 19.