Cun la lutga da Berchtold vegn averta tradiziunalmain a Turitg la nova stagiun da lutga. Quest onn è la concurrenza stada dira cun gist otg lutgaders federals al start: Michael Bless, Stefan Burkhalter, Samuel Giger, Armon Orlik, Patrick Räbmatter, Pirmin Reichmuth, Roger Rychen e Raphael Zwyssig.
Duel dals top favurits
Victur è stà la finala il Grischun Armon Orlik. Cun quai ha Orlik uss gia gudagnà la terza giada en roda il turnier da tradiziun. En la lutga finala ha Orlik battì il concurrent principal Samuel Giger. Gudagnà ha el suenter stgars 5 minutas. Sin plazza 3 è sa classà Michael Bless.
RR novitads 06:00