A la festa da lutga sin il Brünig hai dà ina raritad. Gist trais lutgaders, Bernhard Kämpf, Philipp Reusser e Christian Stucki, han numnadamain gudagnà quella. Quai pervia ch’i n’a betg dà in victur en la lutga finala tranter Kilian Wenger e Bernhard Kämpf. Per Stucki è quai la terza victoria sin il Brünig suenter quellas da 2009 e 2012.
Las emprimas duas lutgas ha Orlik gudagnà. En la terza e la quarta lutga ha el dentant mo cuntanschì paris. Uschia ha l’atlet da Maiavilla na betg pudì lutgar per la victoria. Er l’auter talent giuven Samuel Giger n’a betg pudì persvader. E Remo Käser ha stuì capitular suenter l’emprima lutga pervia d’ina blessura.
RR sportissimo 17:00