Il ciclist brit Chris Froome è stà involvì en in accident. In auto è charrà fin sin il passape ed è la finala collidà cun Froome. Froome ch’ha gudagnà trais giadas il Tour de France ha dentant giu cletg en il discletg ed è mitschà senza pli grondas blessuras.
Chris Froome era vid il trenar cura che l’auto è suandà el. Tenor il ciclist da 31 onns dal Team Sky saja il manischunz simplamain charrà vinavant. Sin Twitter ha il Froome publitgà ina fotografia che mussa ses velo donnegià a l’ur da la via.
RR actualitad 12:00
SDA / Andreas Wieland