Naziunal/Internaziunal - Bacsinszky cun lucca victoria
A Miami ha la giugadra da tennis svizra Timea Bacsinszky (WTA 20) cuntanschì senza problems la terza runda. La Vadaisa ha gudagnà cunter la Russa Margarita Gasparjan (WTA 41 ) cun 6:3 e 6:1.
Suenter che la Russa da 21 onns aveva egualisà il gieu cun ses sulet break tar 3:3, ha Bacsinszky mess en retscha otg gieus in suenter l’auter. Bain ha Gasparjan impedì il 0:6, ma curt sisura e suenter totalmain be 56 minutas era il gieu decis.
En la proxima runda frunta Bacsinszky sin la Serba Ana Ivanovic (WTA 17).
