La giugadra da tennis svizra Timea Bacsinszky ha cuntanschì il quartfinal al French Open a Paris. Bacsinszky ha gudagnà il gieu d’otgavelfinal encunter l’Americana Venus Williams cleramain en dus sets cun 6:2 e 6:4.
Proxima: Kiki Bertens
En la proxima runda frunta Timea Bacsinszky, il numer 9 dal mund, sin l’Ollandaisa Kiki Bertens. Er cuntanschì il quartfinal ha la defensura dal titel e numer in dal mund Serena Williams.