La giugadra da badminton da La Chaux-de-Fons Sabrina Jaquet ha gudagnà la medaglia da bronz al campiunadi europeic a Kolding en il Danemarc.
En il mez-final ha Sabrina Jaquet pers cunter la Scotta Kirsty Gilmour. Cun quai ch’i na dat nagina partida per il plaz 3, è bronz ì a Jaquet. Per Jaquet che ha participà duas giadas als gieus olimpics, è quai enfin ussa il pli grond success da sia carriera.
Dapi l’onn 1980 è quai l’emprima medaglia per Swiss Badminton ad in’ occurrenza gronda. Là aveva Liselotte Blumer gudagnà aur als campiunadis europeics.
RR novitads 15:00