Gia suenter quatter da sis gieus da gruppa, pudess Basilea sa qualifitgar definitivamain per ils otgavelfinals da la Champions League. Quai malgrà che Basilea aveva pers l’emprim gieu ordaifer encunter Manchester United cun 0:3. Mo suenter ha Basilea declassà a chasa en in gieu da gala Benfica Lissabon cun 5:0, e lura era anc gudagnà en Russia encunter ZSKA Moscau cun 2:0.
I dovra anc l’agid da Manchester United
Il punct da partenza per l'equipa da Raphael Wicky è optimal. I dovra mo anc in pau agid da l’emprim da la tabella. Manchester United manglass gudagnar u almain cuntanscher in pari a chasa encunter Benfica Lissabon.
RR actualitad 17:00