Il FC Basilea na dat quest onn betg internaziunal – quai per l’emprima giada dapi 15 onns. L’FCB ha pers ordaifer il gieu da return cunter Apollon Limassol cun 0:1. L’emprim gieu aveva il FCB anc gudagnà cun 3:2.
Cun quai vegn sulettamain l’FC Turitg a represchentar la Svizra en l’Europa League. Cun gudagnar la cuppa svizra è il FCZ sa qualifitgà directamain per la fasa da gruppa en l’Europa League.
RR novitads 22:00