Beat Hefti è uss uffizialmain campiun olimpic dal bob a 2. Il comité olimpic internaziunal ha confermà las rangaziuns midadas dals gieus olimpics da Sotschi 2014.
Il Russ Alexander Subkow è stà involvì en il scandal da doping ed è gia vegnì serrà avant dus onns per vita duranta. Tut ils meds legals cunter questa decisiun èn entant duvrads. Sia victoria è vegnida annullada. Hefti e ses stuschader Alex Baumann survegnan perquai mintgamai ina medaglia dad aur.