Legenda:
En il final da Luxemburg è Belinda Bencic stada senza schanza cunter la Tudestga Julia Görges.
Freshfocus
cuntegn
Naziunal/Internaziunal - Belinda Bencic perda il final da Luxemburg
Cunter la favurita Julia Görges n'ha la Svizra chattà nagin recept, ella perda en dus sets cun 4:6 e 5:7. Uschia sto Belinda Bencic vinavant spetgar sin sia terza victoria d'in turnier WTA.
En l'emprim set ha la Svizra Belinda Bencic da 21 onns dà giu ses gieu tar il 2:3, ed en il segund set tar il 5:6. Sezza n'ha ella betg cuntanschì schanzas per in break.
Tuttina po Belinda Bencic esser cuntenta cun sias prestaziuns a Luxemburg. Suenter sis terradas en seria era ella sa decidida a curta vista, d'empruvar da sa qualifitgar. Ed ella fa set victorias en seria. E cun cuntanscher il final, sa meglierescha Belinda Bencic en il classament mundial da plaz 47 sin posiziun 38.