Maria Scharapowa ha giugà memia bain per la giuvna Bencic. En l'emprim set manava Bencic cun dus breaks (3:2 e 4:3).
Suenter 125 minutas è il turnier stà a fin, grazia al service da Scharapowa. En be dus sets ha ella fatg 21 ass.
En il quartfinal frunta Scharapowa sin il numer in dal mund, l'Americana Serena Williams.
Era cuntanschì il quartfinal ha il numer in dal mund dals umens, il serb Novak Djokovic. Djokovic ha battì en l'otgavelfinal il Franzos Gilles Simon en 5 sets.
En il quart final frunta Djokovic sin il giapunais Kei Nishikori.
Ed er Roger Federer sa chatta en il quartfinal. El ha battì David Goffin cun 6:2, 6:1 e 6:4. Sin el spetga lura il Tschec Thomas Berdych.
RR novitads 06:00 / Sportissimo 17:00