Legenda:
Belinda Bencic è actualmain il numer 22 dal mund.
Keystone
cuntegn
Naziunal/Internaziunal - Bencic en la terza runda a Wimbledon
Belinda Bencic ha cuntanschì la terza runda al Grand Slam da tennis a Wimbledon. La giuvna da 18 onns ha battì en la segunda runda la tudestga Anna-Lena Friedsam en trais sets cun 7:5, 4:6 e 6:0.
Per Belinda Bencic è quai stà l’otgavla victoria en seria sin pastg. En la proxima runda frunta Bencic sin la victura ord la partida tranter la serba Ana Ivanovic e l’americana Bethanie Mattek-Sands.
Stefanie Vögele sto turnar a chasa
A fin è l’aventura Wimbledon per Stefanie Vögele. La Svizra ha pers en l’emprima runda encunter l’americana Madison Keys en trais sets cun 7:6, 3:6 e 4:6.
