Legenda:
Surmuntà il proxim obstachel:
Belinda Bencic po festivar a Sydney sia segunda victoria.
Keystone
cuntegn
Naziunal/Internaziunal - Bencic vegn en furma
Cun in augment da prestaziun ha Belinda Bencic cuntanschì a Sydney en l’Australia il quartfinal. La giugadra da la Svizra Orientala gudogna cunter la Bulgara Zwetana Pironkowa (WTA 61) cun 6:3 e 6:3.
Bencic (WTA 14) n’ha betg gì ina buna posiziun, e quai gia avant l’emprim passadi: tar las davosas duas participaziuns en la pli gronda citad da l’Australia era si’adversaria Zwetana Pironkowa numnadamain plain confidenza en sasezza. Lura era ella sa mussada en sia meglra furma.
Tuttina ha Bencic gì il surmaun e battì la giugadra da l’Europa da l’Ost en 81 minutas. Uss frunta la Svizra sin la Russa Jekaterina Makarowa (WTA 23).
