Legenda:
En viadi a ses meglier resultad da fin qua -
la biatleta Lena Häcky (21) dad Engelberg durant la cursa ad Ostersund.
Keystone
cuntegn
Naziunal/Internaziunal - Biatlon: Lena Häcki cun ses meglier resultat
En l’emprima cursa da sprint sur 7,5 kilometers ad Östersund (SWE) è la svizra Lena Häcki vegnida dudeschavla ed ha uschia egualisà ses meglier resultat da fin qua.
Malgrà ina runda da chasti ha Lena Häcky (21) be pers 62 secundas sin la victura. En la loipa ed eventualmain er tar il ritmus da sajettar era ella pli svelta che Selina Gasparin. La grischuna ha cuntanschì cun dus culps fallads il 28avel plaz.
Legenda:
Cun dus culps fallads riva Selina Gasparin sin il 28avel plaz.
Keystone
Gudagnà la cursa ha la Franzosa Marie Dorin-Habert avant la Finlandaisa Kaisa Mäkäräinen e la Tscheca Gabriela Koukalova.
