Il campiun da record en il biatlon, Ole Einar Björndalen, n'ha era cun 42 onns anc betg avunda dal sport d'elita. Il Norvegiais vul terminar sia carriera pir suenter ils gieus olimpics il 2018.
El craja ch'el saja anc abel per la concurrenza in pèr onns, uschia Björndalen. El haja anc adina la motivaziun sco cun 20 onns.
Cunquai fa el ina fin a las speculaziuns davart ses avegnir sportiv. Oriundamain aveva l'olimpionic cun il pli grond success da l'istorgia vulì terminà sia carriera suenter il campiunadi mundial ad Oslo l'enviern passà.
