Legenda:
Il president da la FIFA Sepp Blatter (dretg) ensemen cun il president da l’UEFA Michel Platini ad in gieu da ballape.
Keystone
cuntegn
Naziunal/Internaziunal - Blatter e Platini ston quintar da vegnir exclus per vita duranta
Tant il president da la FIFA Sepp Blatter sco era il president da l’UEFA Michel Platini ston quintar da vegnir exclus per vita duranta dal mund da ballape.
La cumissiun d'etica da la FIFA reproschia a Blatter corrupziun e pretendia perquai da suspender el per vita duranta sco funcziunari da ballape, scriva la Handelszeitung. E l'advocat da Michel Platini ha ditg ad agenturas da novitads che la cumissiun d'etica pretendia per quel ina sentenzia per vita duranta. A Sepp Blatter ed a Michel Platini vegn rinfatschà in pajament dubius da dus milliuns francs.
