Naziunal/Internaziunal - Campiun mundial Beat Feuz è uss er campiun svizzer
Beat Feuz è suenter ch’el è vegni il favrer campiun mundial da la cursa rapida als Campiunadis mundials da skis a San Murezzan uss vegnì a Tavau campiun svizzer en la cursa rapida.
A Tavau ha Beat Feuz gudagnà per l'emprima giada il titel da campiun svizzer en la cursa rapida. Segund cun mo quatter tschientavels retard è vegnì il Turitgais Nils Hintermann. Bronz ha gudagnà il Grischun Mauro Caviezel.
La cursa n'ha dentant betg Feuz gudagnà, mabain l'Austriac Christopher Neumayer ch'è partì ord concurrenza.
