Il Congress da la Federaziun Internaziunala dal hockey ha surdà l'incumbensa a Swiss Ice Hockey, quai è succedì durant il campiunadi mundial actual a Prag. Damai che la Svizra è stada la suletta candidata per il campiunadi mundial n’è la surdada stà nagina surpraisa.
Lieus dals gieus
Ils gieus duain esser en il Hallenstadion a Turitg ed en la nova arena a Losanna che sto anc vegnir construida. Sche l’arena a Losanna na fiss betg bajegiada a fin sin il termin, alura stess Zug a disposiziun sco alternativa.
La Svizra ha survegnì il campiunadi mundial da hockey sin glatsch per la 11avla giada. A Turitg han gì lieu campiunadis mundials gia l’onn 1939, 1953 ed 1998.
Era surdà ha la Federaziun Internaziunala dal hockey il campiunadi mundial 2019, quai a la Slovachia.
RR novitads 14:00