Il Canada è la suletta equipa ch’ha gudagnà tut ils gieus da gruppa. En il davos gieu han ils Canadais laschà nagina schanza als Austriaca ed uschia suttastritgà las ambiziuns sin il titel. L’Austria sto vinavant tremblar per restar en la liga mundiala. Gudogna la Frantscha numnadamain il davos gieu da gruppa encunter la Lettonia, quai en la prolungaziun u suenter ina lutga da penaltis, lura vegnan ils Austriacs relegads.
Bielorussia en il quartfinal
En la gruppa B ha la Bielorussia segirà il quart plaz grazia a la victoria da 3:2 encunter la Norvegia. En il quartfinal fruntan la Bielorussia sin il Canada. Il victur da gruppa, USA, Russia u la Finlanda, frunta gievgia en il quartfinal sin la Svizra.
Trenader da la Slovenia sa retira
Matjaz Kopitar è sa retratg sco trenader naziunal da la Slovenia suenter ch’ils Slovens han terminà la fasa da gruppa sin il davos plazza ed èn uschia vegnids relegads. Kopitar ch’ha 49 onns, bab dal star Anze Kopitar dals Los Angeles Kings, aveva surpiglià la Slovenia il 2011 e manà questa equipa sin il 7avel plaz als gieus olimpics il 2014 a Sotschi.
RR novitads 15.00