Legenda:
Il Portugais José Mourinho è vegnì relaschà suenter ils resultats flaivels da Chelsea en la Premier League.
Keystone
cuntegn
Naziunal/Internaziunal - Chelsea relascha trenader José Mourinho
Il club da ballape englais Chelsea è sa separà da ses trenader, il portugais José Mourinho. Sco i stat scrit sin la pagina d'internet dal club, è quai pass succedì en enclegientscha vicendaivla.
Cun mo 4 victorias en 16 gieus è Chelsea sin plazza 16 da la tabella, mo in punct avant las plazzas da relegaziun. En la Champions League dentant è Chelsea en l'otgavelfinal e frunta là sin Paris Saint-Germain.
Mourinho ha trenà Chelsea dal 2004 fin 2007 e lura danovamain a partir dal 2013. La stagiun passada ha Mourinho manà Chelsea ad in ulteriur titel da campiun englais.
