L'australian Daniel Ricciardo ed il hollandais Max Verstappen han pudì profitar d'ina panna da Lewis Hamilton. Enfin la 40avla runda (da 56) era Hamilton numnadamain en avantatg, e quai cun 22 secundas. Lura ha ses motor piglià fieu e dà si il spiert. Ses collega da team Nico Rosberg è vegnì terz suenter ina brava cursa da cumpensaziun. El è uss 23 puncts avant Hamilton.
Ils pilots da Sauber èn er suenter il 16avel Grond premi da la stagiun senza in punct.
RR novitads 11:00