La plazza 4 en la cursa a Jasna porta a Lara Gut 50 puncts. Ella maina uschia il classament general cun 22 puncts avantatg sin Lindsey Vonn. L’Americana ha stuì terminar la stagiun pervi d'ina blessura. La terza en il classament general è la Tudestga Viktoria Rebensburg, ch'è dentant gia 263 puncts enavos.
Gudagnà la cursa a Jasna ha l'Austriaca Eva-Maria Brem, avant Viktoria Rebensburg e la Taliana Federica Brignone. Da las Svizras è Simone Wild vegnida 20avla, e Wendy Holdener è crudada ora en il segund percurs.
RR Novitads 14:00