L'equipa naziunala svizra dal hockey n'è per entant betg pli da la partida a la Cuppa Spengler. La participaziun a l'ultima cuppa saja stada positiva, dentant duai il turnier restar in turnier da clubs. Quai communitgescha l'organisaziun da la Cuppa Spengler.
Cun la participaziun da l'equipa naziunala sper il team Canada hajan els stgaffì in turnier da duas classas. Quai engrevgiass en l'avegnir als clubs da gudagnar la Cuppa Spengler. La decisiun na sclaudia dentant betg ina participaziun da l'equipa naziunala sco preparaziun sin gieus olimpics u in campiunadi mundial.
RR novitads 16:00