Naziunal/Internaziunal - Curling: campiunadi mundial è a fin per Svizzers
Per ils cursilsts svizzers cun lur skip Sven Michel n’è il davos di da la prerunda dal campiunadi mundial a Basilea betg in bun. Ils giugaders perdan cun 4:7 cunter la Norvegia.
Legenda:
Plain concentraziun, ma senza victoria:
Il skip Sven Michel e sia squadra perdan cunter ils Norvegiais.
Keystone
La squadra da curling svizra na po definitivamain betg cumbatter per medaglias al campiunadi mundial a Basilea. Ils umens svizzers cun il skip Sven Michel han pers cun 4:7 cunter la Norvegia. E damai ch'il Giapun ha gudagnà il medem mument cunter la Russia è il turnier a fin per la Svizra.
Dals 10 gieus d'enfin uss han ils Svizzers mo pudì gudagnar 4. Lur ultim gieu han els questa saira cunter il leader Canada.
