Walter De Gregorio dat giu ses post da directur da medias da la FIFA per immediat. Quai ha communitgà la federaziun internaziunala da ballape. Motivs per sia desditga na vegnan betg numnads. Cun De Gregorio perda la FIFA in ulteriur commember da la direcziun.
Ad interim vegn il post da medias manà dal substitut da De Gregorio, Nicolas Maingot. «Walter ha lavurà immens dir ils ultims 4 onns ed els sajan engraziaivels ad el persuenter» vegn cità il secretari general da la FIFA, Jérôme Valcke. De Gregorio ha cumenzà ses post tar la FIFA ils 14 da settember 2011.
