Legenda:
Romain Détraz po festiva sia prima victoria en la cuppa munidala - e quai a chasa.
Keystone
cuntegn
Naziunal/Internaziunal - Détraz procura per surpraisa ad Arosa
Gronda surpraisa al ski-cross ad Arosa. Il Vallesan Romain Détraz ha gudagnà il sprint da notg da la cuppa mundiala, quai avant il Canadais Brady Leman ed il campiun olimpic franzos Jean-Frédéric Chapuis.
Per il skiunz da 22 onns èsi la prima victoria en la cuppa mundiala. Fin ussa era ses meglier resultat ina plazza 24. Il leader da la cuppa mundiala, il Grischun Alex Fiva è vegnì 8avel.
Tar las dunnas ha gudagnà la canadaisa Marielle Thompson. La Svizra Fanny Smith è gia crudada ora en il 4-final.
