Naziunal/Internaziunal - Di norvegiais a Gröden – Svindal gudogna avant Jansrud e Kilde
Aksel Lund Svindal gudogna il Super G dals umens avant ses dus cumpatriots Kjetil Jansrud e Aleksander Kilde. Meglier Svizzer è stà Ralph Weber sin l'indeschavel plaz.
Il Songagliais Ralph Weber ha procurà per la gronda surpraisa ord vista svizra al Super G a Gröden. Il skiunz da 22 onns ch’è partì cun il numer 45 è vegni 11avel e cunquai era gist stà il meglier dals Svizzers.
Er in plaz tranter ils megliers quindesch hai dà per il Grischun Thomas Tumler. El è vegnì 13avel plaz. Ils dus ulteriurs Grischuns Sandro Viletta e Carlo Janka suondan sin ils plazs 27 e 30.
