Novak Djokovic ha gudagnà per la quarta giada il turnier da Grand Slam a Wimbledon. En il final ha el battì il Sidafrican, Kevin Anderson en trais sets cun 6:2, 6:2 e 7:6. En duas uras e 18 minutas ha Djokovic battì il sidafrican. Sulet en il terz set ha il Serb stuì sa defender cunter tschintg ballas da set, tuts tar l'agen service.
Il Serb da 31 onns gioga il mument uschè ferm sco dapi dus onns betg pli. Cun quest titel ha Djokovic ses 13avel titel da Grand Slam, l'emprim dapi il French Open 2016. Da la plazza 21 en la rangaziun mundiala vegn el uschia puspè tranter ils emprims 10.
RR novitads 18:00