Legenda:
Belinda Bencic
ha consolidà ses status sco numer 1 da la Svizra.
SRF
cuntegn
Naziunal/Internaziunal - Duel svizzer va a Bencic
Belinda Bencic ha gudagnà il duel svizzer al turnier da tennis a s'Hertogenbosch en l’Ollanda cun Viktorija Golubic. Igl è dentant stà ina dira nusch. Bencic ha stuì ir duas giadas en il tiebreak ed ha la fin finala gudagnà cun 7:6 e 7:6. Uschia cuntanscha ella il mezfinal.
I n’è betg stà in quartfinal da meglra qualitad, ma in zunt contestà e fitg captivant tranter las duas Svizras a s’Hertogenbosch en l’Ollanda. Ina differenza da nivel n’è betg stada da percorscher tranter il numer 8 ed il numer 113 dal mund.
En il mezfinal frunta Bencic sin si’amia Kristina Mladenovic (WTA 32). La Franzosa ha dumagnà la qualifitganta beltga Elise Mertens (WTA 171) cun 7:5 e 6:3.
