Marco Odermatt daventa surprendentamain terz al slalom gigant da Kranjska Gora. Quai per l'emprima giada en sia carriera. Il giuven da 21 onns ha mussà cun il meglier temp en il segund percurs ina ferma prestaziun. Sulettamain ils dus Norvegiais Henrik Kristoffersen e Rasmus Windigstad èn stads pli svelts sur l'entira cursa.
Tut en tut han ils umens svizzers mussà ina ferma prestaziun. Quai cun trais plazs tranter ils top 10. Anc pli surprendent ch'il plaz da podest da Marco Odermatt è bunamain il quart plaz da Cédric Noger en sia 5avla cursa da la cuppa mundiala.
Resultats finals a Kransjka Gora
- 1. Henrik Kristoffersen 2:26.63
- 2. Rasmus Windingstad +0.24
- 3. Marco Odermatt +0.56
- 4. Cédric Noger +0.83
- 7. Loic Meillard +1.03
- 21. Reto Schmidiger +2.01
- 21. Elia Zurbriggen +2.01
- 26. Gino Caviezel +2.40
RR novitads 16:00