La dumengia ha la FIFA annunzià ch'ella avria er cunter il capitani da la squadra naziunala svizra Stephan Lichtsteiner ina procedura disciplinara. Sclerì duai vegnir sch'il gest da l'evla dubla è stà motivà politicamain. Il gest stat sco simbol per il Cosovo. Quai po valair sco provocaziun politica cunter ils Serbs. Damai ch'era Lichtsteiner ha fatg il medem, vegn era ses cumportament examinà.
Pussaivel fissan suspensiuns per dus gieus e chastis da daners.
L'Associaziun svizra da ballape spetga ina decisiun da la FIFA fin glindesdi.
RR novitads 20:00
