Suenter la qualificaziun ha Mercedes era dominà il Grond Premi da l'Australia a Melbourne. Il Tudestg Nico Rosberg ha gudagnà. Il campiun mundial brit Lewis Hamilton è daventà segund. Cumplettà il podest ha cun Sebastian Vettel sin Ferrari in ulteriur Tudestg.
Per il team Sauber n'hai dà nagins puncts. Felipe Nasr è vegnì 15avel, Marcus Ericsson è crudà or cun problems tecnics.
Puncts hai però dà a la premiera per il nov team american da Haas: Romain Grosjean è vegnì 6avel.
La cursa è stada marcada d'in grev accident tranter Fernando Alonso en McLaren ed Esteban Gutierrez en Haas. Omisdus èn saun e salvs.
RR novitads 09:00