Legenda:
Il goli da l’FC Basilea Tomas Vaclik ha mussà plira bunas paradas, ma tuttina ha el trais giadas stuì prender ord la rait la balla.
Keystone
cuntegn
Naziunal/Internaziunal - FC Basilea perda a Paris
En la Champions League ha il FC Basilea pers la 3. runda cunter Paris Saint Germain cun 3:0. Ditg ha l’equipa svizra pudì restar en il gieu. Tuttina han ils Basilais pers cleramain cunter il favurit franzos.
Cunzunt en l’emprima mesadad ha il campiun svizzer gì pliras schanzas da sajettar gols. Gia en la 5avla minuta è il defensur da Basilea Michael Lang vegni tar ina buna schanza.
L’equipa da Paris ha duvrà 40 minutas per marcar l’emprim gol cunter Basilea tras Angel Di Maria. Quest gol curt avant pausa è stà decisiv per l'avanzament dal gieu. En la 62avla minuta è lura curda il 2:0 suenter in sbagl dal defensur Marek Suchy.
