L'FC Turitg ha pers ses ultim gieu a chasa da la fasa da gruppa da l'Europa League. Cunter AEK Larnaca ha l'FCZ pers cun 1:2. Consequenzas n'ha questa terrada naginas. Ils Turitgais èn gia sa qualifitgads per ils sedeschavelfinals.
Suenter la terrada da 1:2 cunter Larnaca ha il trenader dal FCZ Ludovic Magnin discurrì dal mender gieu dapi ch'el haja surpiglià il post da trenader il favrer. Els hajan fatg memia blers sbagls e perquai er merità da perder.
Turitg po anc adina vegnir emprim da la gruppa, cunquai che Bayer Leverkusen ha giugà in pari dad 1:1 cunter Ludogorez Rasgrad.
