Roger Federer cuntanscha la proxima runda al turnier d'ATP-1000 ad Indian Wells en la California. Cunter il Tudestg Peter Gojowczyk mussa Federer cunzunt en l'emprim set ina fitg buna prestaziun e gudogna a la fin cun 6:1 e 7:5. Il cumenzament en il turnier è gartegià per il Svizzer. En l'emprima runda aveva Federer numnadamain survegnì ina dispensaziun.
En la proxima runda frunta Federer sin il victur da la partida tranter Stan Wawrinka ed il Ungarais Marton Fuscovics. Las schanzas per in duel svizzer en il sedeschavelfinal èn pia intactas.
RR novitads 23:00