Per Roger Federer, il defensur dal titel, è il turnier da Grand Slam a Melbourne en l'Australia a fin suenter l'otgavelfinal. Il Svizzer da 37 onns ha pers il duel da las generaziuns cunter il giuven da 20 onns Stefanos Tsitsipas. La partida ha cuzzà 3:45 uras.
Suenter l'US Open èsi per Federer il segund turnier da Grand Slam ch'è a fin en l'otgavelfinal. En il classament mundial dat Federer enavos dal terz sin il sisavel u setavel plaz.
Sco proxim frunta Stefanos Tsitsipas sin il Spagnol Roberto Bautista Agut ch'ha battì il finalist da l'onn passà, il Croat Marin Cilic.
RR novitads 14:00