Siglir tar il cuntegn
Il giugader da tennis Roger Federer.
Legenda: Finalmain enavos en il court. A Monte Carlo duess quai finalmain esser uschè lunsch per Roger Federer. Keystone

Naziunal/Internaziunal Federer: return en il court a Monte Carlo

L’emprim blessà, lura ina grippa dal magun. Ma uss duess quai esser uschè lunsch che Roger Federer returna en il circus da tennis.

Proxim’emna dat Federer il turnier sin sablun a Monte Carlo. Ses emprim gieu è en la segunda runda, u encunter Thomaz Belluci (ATP 37) da la Brasilia u encunter Guillermo Garcia-Lopez (ATP 38) da la Spagna.

Ils adversaris pussibels sin via en il final èn il Franzos Jo-Wilfried Tsonga (ATP 9) ed il numer in dal mund, Novac Djokovic.

L’auter Svizzer, Stan Wawrinka (ATP 4), dat ses emprim gieu u encunter il Tudestg Philipp Kohlschreiber (ATP 29) u encunter il talent croat Borna Coric (ATP 48). Avant dus onna aveva quai dà in final svizzer a Monte Carlo. Lura aveva Stan Wawrinka battì Roger Federer.

Sportissimo 17:00

Artitgels legids il pli savens