Legenda:
Ils giugaders Reto Schaeppi, Cody Almond, eThomas Ruefenacht (da sanester) celebreschan il segund gol per la Svizra.
Keystone
cuntegn
Naziunal/Internaziunal - Ferma reacziun cunter la Norvegia
En il segund gieu dals campiunadis mundials da hockey sin glatsch a Paris ha la Svizra battì la Norvegia cun 3:0. Ils gols han sajettà Schäppi, Almond e Sutter.
Quai è stada ina ferma reacziun suenter che la Svizra aveva dà or da maun en il prim gieu in 4:0 cunter la Slovenia e gudagnà pir suenter sajettar penaltis. Il proxim adversari da la Svizra è la Frantscha.
Ulteriurs resultats
En ils auters dus gieus da la gruppa B ha la Slovenia pers cunter il Canada cun 2:7 e la Frantscha ha battì la Finnlanda cun 5:1.
En la gruppa A ha la Russia gudagnà cunter l'Italia cun 10:1 ed ils Stadis Unids han battì il Danemarc cun 7:2.
