Roger Federer è crudà ora en il mezfinal dal turnier ATP a Paris-Bercy. Il Basilais da 37 onns ha pers cunter il Serb Novak Djokovic en 3 sets cun 6:7 (6:8), 7:5 e 6:7 (3:7) – quai suenter 3 uras e 3 minutas. Federer na po uschia betg pli terminar l'onn da tennis sco numer 1.
Djokovic n'ha pudì far nagin break. A la fin è el tuttina stà meglier ed ha gudagnà il tiebreak decisiv cun 7:3. Damaun tutga el en il final sin Karen Chatschanow da la Russia.
RR novitads 20:00