Pierluigi Tami n’è betg pli trenader dal club da ballape Grasshoppers. Il cussegl administrativ dal club è sa reunì la dumengia suentermezdi ad ina sesida d’urgenza. Il di avant aveva il club pers 2:1 encunter Vaduz.
En las ultimas set partidas da la Super League n’ha GC betg pli gudagnà ed è glischnà sin la terzultima plazza da la tabella.
Tami aveva surprendì la squadra turitgaisa avant dus onns. Fin la fin da la stagiun surprenda Carlos Bernegger la funcziun da trener. Bernegger, che ha ragischs argentinas, ha trenà per in onn e mez il FC Lucerna en la Super League.