Il giugader da hockey engiadinais Gian-Andrea Randegger terminescha sia carriera per immediat. Quai rapporta la «Berner Zeitung». Per la nova stagiun n'aveva l'Engiadinais da 32 onns betg pli survegnì in nov contract.
Giugà per sis differents clubs
Gian-Andrea Randegger aveva cumenzà sia carriera il 2006 tar il Club da hockey da Tavau. Suenter è el era stà engaschà tar Basilea, Ambri, Genevra e Kloten. Cun il SC Berna è el daventà duas giadas campiun svizzer.
RR novitads 14:00