Naziunal/Internaziunal - Gian Gilli surpiglia Swissalpine
A partir da l'auter onn è Gian Gilli a la testa dal Swissalpine. El surpiglia la direcziun da la pli gronda occurrenza grischuna da currer da la stad dal fundatur Andrea Tuffli. Quai scriva la suprastanza en ina communicaziun.
Legenda:
Gian Gilli daventa schef da l'occurenza da sport dal Swissalpine.
Keystone
Tar SwissSki è Gilli tranter auter stà scheftrenader da passlung e schef dal sport da prestaziun. Il 2003 ha el funcziunà sco directur da sport dals campiunadis mundials da skis a San Murezzan 2003. Actualmain è Gilli CEO dals campiunadis mundials da hockey sin glatsch ch'èn l'auter onn a Turitg ed a Losanna.
