Legenda:
Gino Caviezel ha realisà il meglier resultat or da perspectiva svizra.
Keystone
cuntegn
Naziunal/Internaziunal - Gino Caviezel 6avel en la cuppa mundiala
En l'Italia ha Marcel Hirscher er gudagnà il slalom gigant parallel. L'Austriac ha battì en il final il Franzos Thibaut Favrot. Meglier Svizzer è Gino Caviezel sco sisavel.
Per Hirscher è quai sia 62avla victoria en la cuppa mundiala. Er sin il podest è il Franzos Alexis Pinturault ch'ha battì en la cursa per plazza 3 il Svedais Matts Olsson. Meglier Svizzer è Gino Caviezel sco 6avel, ses meglier resultat fin uss. Thomas Tumler è crudà or en l'otgavel final.
