Martina Hingis e Chan Yung-Jan tutgan tar las favuritas dal turnier. La Svizra ha gudagnà gia trais giadas en il dubel a Wimbledon, 1996 cun Helena Sukova, 1998 cun Novotna e 2015 cun Sania Mirza.
Er tar il dubel maschadà tutga Hingis tar las favuritas per il titel. Ella fa part al turnier cun Jamie Murray, il frar dad Andy Murray.
Betg reussì da gudagnar en il dubel èsi a la Svizra Viktorija Golubic. Ella ha pers cun sia partenaria Tscheca, Kristyna Pliskova en l'emprima runda cun 4:6 e 3:6 cunter Anna-Lena Grönefeld e Kveta Peschke.
RR novitads 23:00