Legenda:
Joel Vermin (amez, nr. 47) ha giugà passa 10 minutas per ses club.
Keystone
cuntegn
Naziunal/Internaziunal - Hockey NHL: Vermin ha dà ses debut
Sco 29avel Svizzer ha Joel Vermin (23) gì sia premiera en la National Hockey League. Tar la victoria da ses Tampa Bay Lightning cunter ils New York Rangers ha l'attatgader dretg giugà passa diesch minutas.
Perquai che Tampa Bay ha ina lunga glista da blessads ha Vermin survegnì la schanza ed è vegnì clamà ord ses farmteam Syracuse. El ha fatg bain sia lavur. Il trenader Jon Cooper ha ditg:«Tut respect dals kids da Syracuse. Els han purtà blera energia.»
Il gol decisiv ha fatg Valtteri Filppula ina minuta avant la fin e quai cun be 4 giugaders sin il glatsch. Ils New York Rangers han uschia pers per l'emprima giada suenter 9 victorias en seria.
