Legenda:
Binia Feltscher e sias dunnas da Flem durant il campiunadi mundial la primavaira 2016.
Keystone
cuntegn
Naziunal/Internaziunal - Il CC Flem cun Binia Feltscher po ir als campiunadis europeics
Las dunnas dal club da curling Flem cun skip Binia Feltscher - èn sa qualifitgadas per ils campiunadis europeics dal curling.
En la seria best-of-7 da l’eliminaziun svizra gudognan las dunnas da Flem la finala cun 4:2 cunter las giugadras da Baden Regio cun skip Alina Pätz.
La sisavla partida gudognan Christine Urech, Franziska Kaufmann, Irene Schori e Binia Feltscher grazia a dus craps plazzads en chasa en il dieschavel end. Uschia pon las campiunessas mundialas actualas era gudagnar il titel europeic, sco gia gartegià il 2014.
Tar ils umens va il CC Genevra cun skip Peter De Cruz als campiunadis europeics. Quels cumenzan la fin da november ed han lieu a Braehead en la Scozia.
