Legenda:
Il HC Lugano po festivar sia emprima victoria en la seria da final.
Keystone
cuntegn
Naziunal/Internaziunal - Il HC Lugano scursanescha la seria da final
Ils hockeyans da Lugano pon dar la vieuta encunter ils ZSC Lions. En il duel numer trais dal final batta Lugano ils ZSC Lions cun 3:0. Uschia scursaneschan ils Bianconeri la seria da final sin 1:2 e dastgan puspè far speranzas.
Ils gols per il HC Lugano han Raffaele Sannitz (19avla minuta), Alessio Bertaggia (23avla minuta) e Grégory Hofmann (45avla minuta) fatg. Ils Tessinais èn stads effizients davant. E davos han els gì in grondius goli Elvis Merzlikins ch'ha tegnì scadin sajet dals Turitgais.
Mesemna cuntinuescha il cumbat per il titel da campiuns svizzers da hockey cun gieu numer quatter. Lura puspè en il Hallenstadion a Turitg.
