Siglir tar il cuntegn
chanun da naiv
Legenda: Grazia a la naiv artifiziala po Lai garantir las cursas dal Tur de ski. RTR, R. Alig

Naziunal/Internaziunal Il Tour de ski a Lai è segirà – malgrà la pauca naiv

Malgrà ch'i n'ha quasi nagina naiv natirala, sajan las cursas en l'arena da biatlon a Lantsch garantidas. Ins haja pudì far avunda naiv artifiziala, ha l'organisatur Hannes Parpan ditg ad ina infurmaziun per ils meds da massa a Cuira.

Il Tour de ski sajà ina plattafurma da reclama perfetga per la destinaziun turistica da Lai, ha ditg l'organisatur Hannes Parpan.

Las emprimas 3 etappas dal 10avel Tour de ski èn da Bumaun fin ils 3 da schaner 2016 en l'arena da biatlon a Lantsch. In termin ideal per il public el lieu ed a chasa avant la televisiun.

Main ideal ord vista organisatorica

Ils hotels a Lai èn lura plains e pli che plains. Perquai han ils organisaturs reservà hotels fin a Maiavilla per metter sut tetg ils ver 600 atlets, trenaders, gidanters e schurnalists ch'accumpognan il Tour de ski. Mo la finala hajan els chattà per mintgin in suttetg.

RR Actualitad la saira 17:00

Artitgels legids il pli savens